Paris Saint-Germaini është ankuar në UEFA për shkak të eliminimit nga e teta e finales së Ligës së Kampionëve, raporton zeri.info.
Gjiganti francez nuk e konteston eliminimin nga Championsi, nuk kërkon as të rizhvillohet loja (edhe pse ekziston peticioni me 250 mijë nënshkrime), por ankohet në zgjedhjen e gjyqtarit, të cilin e konsideron joadekuat, gjermanin Deniz Autekin, të cilin e konsideron përgjegjës për rezultatin 6:1.
Sipas francezëve, albitri ka dhënë penallti të paqena, ua mohoi parisienëve një penallti të pastër, duke rënë pre e simulimeve, mbi të gjitha të Luis Suarezit, i cili për një moment e ka merituar të ndëshkohej me karton të kuq.
Presidenti Nasser Al Khelaifi ka vendosur t’i shkruajë direkt UEFA-s, duke ia dërguar një dosje, përmes së cilës kërkon që situata të tilla të mos përsëriten më në të ardhmen, përgatiti ”Zëri”. (b.an)
