Petrit Vasili duket se nuk i ndahet ‘merakut’ për listën e barnave të rimburshueshme. Dikur ish-ministër i Shëndetësisë, Vasili tha sot se lista në fjalë është miratuar fshehtas.
Kreu i Grupit të LSI ia faturoi shërbimit farmaceutik ‘denoncimin’ duke thënë se nuk ka qenë opozita ajo që fshihet pas akuzave.
Por çfarë ka ndodhur në të vërtetë? Mjafton një krahasim tabelsh dhe dokumentesh mes periudhës kur Petrit Vasili ishte dhe sot. Ish-ministri i Shëndetësisë gjatë qeverisë “Berisha” harron se në atë kohë rimbursohej 5.9 miliardë lekë, ose e thënë ndryshe 30 milionë euro më pak sesa sot.
Në listë ishin 991 alternativa tregtare, ose 184 më pak. Edhe më herët, deputeti i LSI e ka shprehur ‘shqetësimin’ e tij në lidhje me ilaçet e rimbursueshme. Sa herë që ka ulje të çmimit të barnave, ai shfaqet gjithmonë në media. A është kjo çështje interesash? Nuk dihet saktë, por Vasili ka shprehur shqetësim edhe kur drejtonte Ministrine e Drejtësisë, duke krijuar përplasje me ministren Manastirliu. /b.d
Kur ministri i Drejtësisë ka (ende) për zemër listën e barnave të rimbursueshme
