Pasi Presidenti i SHBA-ve, Donald Trump nxori listën e vendeve që së shpejti do të goditeshin nga tarifat e tij, shumë nga ata që shikonin kishin një pyetje, ku është Rusia?
Sipas mediave të huaja, Presidenti amerikan kishte kërcënuar se do të vendoste tarifa dytësore për naftën ruse gjatë fundjavës, gjë që rriti konfuzionin kur Rusia nuk u përmend në listën e shteteve mbrëmjen e djeshme.
Shtëpia e Bardhë i ka thënë NBC News se Rusia nuk është në listë për shkak të sanksioneve të rënda ndaj vendit, për shkak të luftës në Ukrainë dhe se SHBA-ja aktualisht nuk ka tregti me të.
Pasi administrata Biden prezantoi masat për Rusinë, vlera e tregtisë SHBA-Rusi ra nga rreth 35 miliardë dollarë në 2021 në 3.5 miliardë dollarë vitin e kaluar.
Pavarësisht se Trump u zotua të vendosë tarifa “reciproke” si për miqtë ashtu edhe për armiqtë, ai gjithashtu ka lënë jashtë Kubën, Bjellorusinë dhe Korenë e Veriut.
