Nisi si një debat për mbrojtjen e trashëgimisë historike, dhe ashtu siç ndodh rëndon në Shqipëri, edhe ajo u kthye në çështje mirëfilli politike. Bëhet fjalë për çështjen e shembjes së Teatrit Kombëtar, dhe ringritjen e një të riu në rrënojat e tij.
Ishin disa aktorë të Teatrit që u ngritën fillimisht kundër projektit të ri, me pretendimin se cënohej historia si dhe privati po merrte tokë nga ajo e Teatrit.
Duke e gjetur si kauzën e radhës, opozita mbështeti aktorët që kundërshtonin projektin dhe tashmë e ka khyer në një kauzë të vetën.
Por a kanë të drejtë ata që kundërshotjnë projektin?
Deri dje egzistonin disa paqartësi të cilat, me të drejtë, mund të linin vend për shqetësim mbi projektin e ri të Teatrit Kombëtar. Sot, paqartësitë janë ezauruar.
Ajo që ëhstë konfirmuar është se Teatri i ri Kombëtar do të ndërtohet në të njëjtin vend ku sot ndodhet rrënoja e Teatrit të vjetër. Teatri i ri nuk do të ndërtohet në një vendndodhje tjetër, por egzaktësisht në truallin ku gjendet i ndërtuar sot, në zemër të Tiranës, mbi rrënojat e të vjetrit.
Po ashtu, projekti parashikon që Teatri i ri nuk do të jetë pjesë e një kulle multifunksionale, por do të jetë një godinë tërësisht në funksion të Teatrit Kombëtar dhe asgjëje tjetër.
Sipas planit, taksapaguesit nuk do të harxhojnë asnjë qindarkë për ndërtimin e Teatrit të ri por ai do të ndërtohet me financim 100% privat.
Ndryshe nga sot, kur godina e Teatrit Kombëtar me një sipërfaqe 1200 m2 është e rrënuar e nuk plotëson as nevojat e aktorëve, as kërkesat e publikut, as kushtet minimale të sigurisë (është ndërtuar në 1939, jo si teatër, në një kohë kur Tirana kishte më pak se 10 % të popullsisë që ka sot), Teatri i ri i financuar tërësisht nga privati do jetë një godinë moderne, e re, me sipërfaqe 9000m2, ekskluzivisht teatër, që do të plotësoje nevojat e artistëve, kërkesat e publikut dhe do të projektohet nga një ndër arkitektët më të mirë të kohëve moderne.
Po ashtu, sa i përket të gjithë atyre që me Teatrin e vjetër kanë lidhje shpirtërore e nostalgjike, apo atyre që vlerësojnë në godinën e vjetër vlerat historike dhe arkitektonike, do t’u mundësohet që në bashkëpunim me projektuesit dhe arkitektët të gjenden zgjidhjet e nevojshme që vlerat në fjalë të mos humbin, njësoj siç u veprua në rastin e ndërtimit të stadiumit./a.m.
