Në nëntor të vitit 2015 ishte paralajmëruar formimi i një komisioni qeveritar për verifikimin e viktimave të dhunës seksuale gjatë luftës. Ka kaluar gati një vit, por ky komision nuk është formuar.
Pa këtë komision nuk mund të bëhet as verifikimi i viktimave, shkruan Koha Ditore.
Shefi i kabinetit të kryeministrit, Sokol Havolli, ka thënë se si proces është me rendësi që fillimisht të pranohen aplikacionet.
Sipas tij, sekretariati për pranimin e aplikacioneve është funksional dhe se nuk mund të konsiderohet se është duke u vonuar procesi tutje.
Në muajin korrik të vitit 2014 ishte organizuar peticioni “Kërkojmë drejtësi ndërkombëtare për gratë e dhunuara gjatë luftës së fundit në Kosovë”, ku ishin mbledhur 115 mijë e 759 nënshkrime në 29 komuna të Kosovës. (b.an)
