Presidenti sirian, Ahmad al-Sharaa ka zbuluar detaje lidhur me vizitën e tij në Shtëpinë e Bardhë dhe takimit me homologun e tij amerikan, Donald Trump. Ai theksoi se Trump kishte thënë se Lartësitë e Golanit i përkasin Izraelit. Lidhur me këtë deklaratë, presidenti sirian u shpreh se kishte bërë shaka duke i thënë Trump se përse nuk ia jep New Jersey-n Izraelit.
“Pse nuk ua jepni New Jersey izraelitëve? Ju nuk i zotëroni Lartësitë e Golanit për t’i dhuruar, por Nju-Xhersin e zotëroni’, tha ai.
“Besoj se Nju-Xhersi është plot me demokratë dhe ata nuk votojnë për Trumpin, ndaj do të ishte mirë t’ua jepnit izraelitëve. Të paktën kjo është diçka që e zotëroni ju. Trump nuk i zotëron Lartësitë e Golanit”, shtoi ai.
Sipas Ahmad al-Sharaa, ai i tha Trump se Lartësitë e Golanit nuk i përkasin askujt përveç vendasve.
“Pavarësisht kësaj shakaje, Lartësitë e Golanit u përkasin njerëzve të atjeshëm. Ato nuk janë as të presidentit sirian, as të presidentit amerikan, e as të ndonjë personi tjetër, për t’u braktisur apo për t’ua dorëzuar të tjerëve”, theksoi ai.
