Batuta e Victoria Nuland me Lulzim Bashën gjatë takimit në ambientet e Hotel “Rogner” kur e pa kravatë, nuk ishte diçka spontane. Kjo pasi në të gjitha takimet e Nuland me zyrtarët shqiptarë, këta të fundit nuk kanë veshur krevatë. Nuland i tha Bashës me jo pak humor se “E paske marrë memon për të mos veshur kravatë!”.
Ndonëse nuk dihet nëse ka qenë një porosi e amerikanëve për tu zhveshur nga çdo lloj kompleksi zyrtar gjatë takimit me Nuland. Krevatë nuk ka përdorur as Kryeministri Edi Rama, i cili e priti ndihmës sekretaren amerikane të shtetit rreth orës 18:00 në Kryeministri. 
Edhe ministri i Punëve të Jashtme, Ditmir Bushati gjithashtu kishte preferuar të mos i “nënshtrohej” kravatës në takimin me Nuland. Kravatë nuk mbante as ambasadori amerikan në Tiranë, Donald Lu.
Përpara se të mbërrite në Tiranë, diplomatja amerikane vizitoi dhe Prishtinën. Edhe në Kosovë, në të gjitha takimet që Nuland pati me politikanët, ata nuk mbajtën kravata.
Diplomatja amerikane në Kosovë u takua me Presidentin Hashim Thaçi, kryeministrin Isa Mustafa dhe kryeparlamentarin Kadri Veseli. Ka qenë vetëm Mustafa që kishte vendosur kravatë, ndërkaq Thaçi e Veseli jo.
Ndërkohë, kravatë nuk mbajti as vetë ambasadori amerikan në Prishtinë, Greg Delawie. /shqiptarja.com/a.k
