Takimi i sekretarit Amerikan me kreun e PD dhe përfaqësues të kësaj partie ka ngritur shumë pikëpyetje disa orë pas largimit të John Kerryt nga Tirana.
Dje, mysafiri nga SHBa-të ka shtënguar duart për të zhvilluar më pas një bisedë me Lulzim Bashën dhe katër deputetë e një ish-ambasador.
I çuditshëm është fakti sesi në tryezë merrte pjesë ish-ambasadori shqiptar në Britani, Mal Berisha, por jo deputeti Eduart Selami. Ky i fundit jo vetëm që ka jetuar për shumë vite me radhë në Shtetet e Bashkuara, por ka marrë pjesë më parë thuajse në çdo takim zyrtar PD-SHBA që prej kohës kur ka marrë mandatin e deputetit.
Madje, pak muaj më parë ‘Zëri i Amerikës’ i hapi ‘dyert’ Selamit në një intervistë ku nisën dhe kritikat e tij ndaj Bashës.
Kritikat në fjalë kanë vijuar edhe ditët e fundit, kryesisht mbi rolin dhe qëndrimin që PD duhet të ketë për Reformën në Drejtësi dhe të tjera çështje të nxheta të aktualitetit politik. Të jenë vallë këto kritika që e kanë përjashtuar Eduart Selamin nga pjesmarrja në delegacionin e PD?
