Saimir Tahiri komentoi mbrëmjen e sotme edhe lidhjen farefisnore me Habilajt. Ai tha se janë aq të largët, saqë nuk i ka njohur.
“Unë nuk kam ngrënë kurrë drekë me ta. Moisi Habilajn nuk e njoh fare. Nuk di a të përjashtoj apo jo se në festa familjare mund të kemi qenë në të njëjtin vend, por nuk kam pasur marrëdhënie kurrë të ngushtë. E aq më pak të lejoja zhvillimin e aktivitetit të tyre kriminal. E vetmja gjë për të cilën mbaj përgjegjësi morale është shitja e makinës time. Makina është shitur në një noter. Ia kam shitur me çmimin real” – tha Tahiri.
“Unë kam shitur një makinë të cilën familjarët e mi duke i njohur Habilajt si blerës. Ky është i vetmi gabim i imi moral në këtë histori. Unë nuk kisha më detyrimnin që të transferoja pronësinë e makinës. Çdo shqiptar e di që blerësi ka detyrimin ta ndryshojë pronësinë. Kjo nuk ka ndodhur per shkak se une kisha nje gjyq me Shkelzen Berishen dhe pronat e mia nuk ishin te disponueshme. Kjo eshte arsyeja pse e kishte bllokuar Permbarimi” – tha ish-ministri i Brendshëm. /b.d
