Integrimi i Komunës së Mitrovicës Veriore në sistemin e Kosovës vazhdon të përcillet me parregullsi dhe dobësi të shumta.
Komuna, e cila udhëhiqet nga Lista Serbe, as pas tre vjetësh dalje nga ilegaliteti nuk ka arritur të adresojë rekomandimet e dhëna nga institucionet qendrore, shkruan Koha Ditore.
Auditori i Përgjithshëm ka konstatuar dobësi të mëdha në menaxhimin e të hyrave, në fushën e prokurimit dhe menaxhimin e personelit. Pasqyrat vjetore financiare nuk paraqesin një pamje të drejtë dhe të vërtetë, në të gjitha aspektet materiale, të pranimeve dhe të pagesave si dhe buxhetit të realizuar për vitin e përfunduar më 31 dhjetor 2015.
Aranzhimet e tjera të cilat do ta mbështesnin zhvillimin e qeverisjes, si dhe rekomandimet e auditimit nuk janë vendosur ende. (b.an)
