Ndjenja apo dëshira për të kafshuar partnerin/en është në fakt super e zakonshme dhe i ka rrënjët në biologjinë evolucionare.
Rezulton se ky është një efekt anësor evolucionar i njohur si “agresion i lezetshëm”. Dhe, për të qenë të qartë, nuk ka të bëjë me dëshirën për të ~ngrënë~ një partner. Përkundrazi, “ka të bëjë me dëshirën për të kafshuar, shtrydhur dikë bazuar në përjetimin e dashurisë ndaj tij, duke mos dashur ta dëmtosh,” shpjegon Dr. Nazanin Moali, një psikologe klinike dhe drejtuese e podcast-it të Sexology.
Në fakt, “cute aggression” ndodh edhe kur shihni një qenush të lezetshëm apo një foshnje të vogël.
Sipas Moalit, diçka e quajtur “shprehje dimorfe” është në rrënjë të këtyre ndjenjave kontradiktore. Shprehja dimorfe është kur dikush që ndjen një emocion të fortë shpreh emocionin e kundërt. Që do të thotë, ju ndiheni të mbingarkuar nga dashuria dhe gëzimi ndaj një gjëje të “lezetshme” – dhe ndjeni dëshirën për kafshimin, si një mënyrë për të treguar dashurinë e thënë. Kafshimi është një shprehje agresive e dashurisë.
Studimet tregojnë se manifestimi i “agresionit të lezetshëm” mund të jetë një formë e rregullimit emocional. Ndjenjat janë aq të forta saqë as nuk dimë se çfarë të bëjmë me to. Dhe kështu, kafshojmë.
Agresioni seksual që ndjejmë ndaj partnerëve tanë (dhe dëshira pasuese për t’i kafshuar ata), është një formë tjetër e “cute aggression”. Në thelb, pasioni na bën të kafshojmë.Kjo dëshirë shpërthen nga intensiteti i pasionit dhe eksitimit që ndiejmë ndaj partnerëve tanë kur ndizemi.
Për më tepër, disa njerëz mund të eksitohen seksualisht duke parë shenjat e dhëmbëve të tyre në trupin e tyre ose të partnerit. Kjo mund të pasqyrojë njëfarë ndjenje dominimi ose pronësie seksuale. Gjurmët e kafshimit mund të shihen gjithashtu si dëshmi e pasionit dhe dëshirës, një paraqitje konkrete e një ndjenje të brendshme.
Me pak fjalë, në një gjendje zgjimi të shtuar, dhimbja shpesh mund të ndihet si kënaqësi. Fundet tona nervore janë në gatishmëri të lartë dhe po ashtu është edhe dëshira seksuale dhe nevoja e madhe për t’i grisur rrobat partnerit.
