Pavarësisht zhvillimeve të fundit politike dhe këmbënguljes së Partisë Demokratike për të mos hyrë në zgjedhje, Partia Socialiste vijon përgatitjet për fushatën elektorale. Në të gjithë Shqipërinë, të deleguarit e Kryesisë, deputetët, drejtues të PS në rrethe, strukturat e FRESSH dhe FGS, janë prej kohësh në terren. Aktualisht Kryeministri Edi Rama, njëherësh kryetar i Partisë Socialiste është duke vijuar një tur takimesh me votuesit për herë të parë, në të gjitha qarqet e Shqipërisë.
Për të pasqyruar të gjithë veprimtarinë e strukturave, Partia Socialiste ka hapur faqen zyrtare ku do të transmetohen të gjitha materialet që lidhen me ecurinë e fushatës për zgjedhjet parlamentare të 18 Qershorit. Gjithashtu faqja e internetit (ShqiperiaQeDuam.PS.al) mund të ndiqet edhe përmes rrjeteve sociale në Facebook (https://www.facebook.com/PerShqiperineQeDuam/) ose në Twitter (https://twitter.com/ShqiperiaQeDuam).
Kjo hapësirë e re komunikimi me mediat dhe votuesit, dedikuar vetëm aktiviteteve te fushatës zgjedhore, aplikohet për herë të parë. Të gjitha takimet e vogla dhe ato të mëdha që do të zhvillohen në 12 qarqet e Shqipërisë pritet të pasqyrohen në to. Kandidatët për deputetë dhe drejtuesit e shtabeve politike do të kenë të pasqyruar aktivitetin e tyre elektoral me lajme, foto, video dhe transmetime televizive live nga facebook.
c.a
