Shkodra kthehet në mollën e radhës të sherrit si një vazhdim i luftës politike, mes presidencës dhe maxhorancës qeverisëse. Kur kanë kaluar 48 nga dorheqja e Valdrin Pjetrit për tu betuar si kryebashkiak i Shkodrës, që është edhe afati ligjor e kushtetues për të shpallur dekretin me një datë të re zgjedhjes, presidenti Ilir Meta nuk do ta ndërmarrë këtë detyrim kushtetues.
Për arsyet e mosdekretimit Tedi Blushi zëdhënës i presidentit Ilir Meta tha se Zgjedhjet vendore janë më 13 tetor për të gjithë Shqipërinë, përfshirë edhe Shkodrën. Këto janë të vetmet zgjedhje të ligjshme vendore përpara nesh”.
Megjithatë të Hënën pritet që perfekti Shkodrës të thërrasë mbledhjen e parë të konstituimit të këshillit bashkiak. Pas betimit ky këshill do të vendosë për përfundimin e mandatit të Volta Ademit.
Këshilli do të thërrasë për betim Valdrin Pjetrin, por njoftimi i tij për dorëheqjen nga mandati, do të bëjë që drejtimin e qytetit ta marrë njërit prej dy nënkryetarëve që zgjidhen të hënën. Socialistët mendojnë se duke mos dekretuar nje date të re për Shkodrën, Presidenti po shkel Kushtetutën në mënyrë vazhduese që nga nxjerrja e dekretit për anulimin e 30 qershorit. Përballë kësaj situate ku socialistët janë kapur kapur shah-mat nga Ilir Meta ata nuk do të bëjnë aspak rroin e spektatorit.
Mosdekretimi i një date zgjedhjesh per Shkodrën nga Presidenti Ilir Meta, në mënyrë logjike pritet të trajtohet nga Komisioni i Posaçëm Parlamentar, si vazhdimësi e shkeljes së rëndë kushtetuese të kryer nga presidenti që nisi me anulimin e zgjedhjeve të 30 qershorit 2019. /l.m
