Sapo ka mbaruar mbledhja e grupit parlamentar të PD dhe kompromisi për aktet nënligjore të dekriminalizimit duket larg. Burime nga kjo mbledhje kanë njoftuar mediat se kompromisi për formularin e vetëdeklarimit është ende larg.
Krejt e kundërta ndodh me kampin rozë, ku socialistët shprehen se marrëveshja për ligjin në fjalë është shumë afër. Mbetet të shihet çfarë do të rezervojnë orët në vazhdim. Palët kanë debatuar gjatë dje për aktet nënligjore të ligjit, aq sa opozita ka deklaruar se do të bllokojë punimet e Kuvendit, për sa kohë që marrëveshja në fjalë nuk do të arrihet.
