Vajza e ish-kryeparlamentarit Jakup Krasniqi, ka reaguar pas publikimit të lajmit se ajo ka filluar punën në QKUK.
Pas shkrimit të Magazina.al Gresa ka reaguar përmes një postimi në facebook, ku e ka mohuar punsimin në QKUK, edhe pse lajmi nuk ishte se ajo ka filluar punën atje.
Ajo ka treguar se është studente e Stomatologjisë në vitin e 5-të, ndërsa ka thënë se sapo të filloj punën do të lajmëroj mediat.
“Gresa Krasniqi, vajza e Jakup Krasniqit qysh po ju pelqen portaleve me më thirr, eshte studente e fakulltetit te Mjekesise, dega Stomatologji. Unë, Gresa jom studente ne vitin e V (peste) e nuk kom fillu punen”, ka shkruar Gresa, transmeton Magazina.al
Gresa në fund të reagimit me ironi ka fyer edhe gazetarët për të cilët ka thënë se e kanë jetën e kotë.
“Kur te filloj punen kom me u kujdes qe sidomos ktyne te ashtuquajturve gazetare me jau rregullu te pakten buzeqeshjen, se jeten veq dihet qe e kanë te kotë”, ka shkruar ajo.
Gresa në reagimin e saj ka bashkangjitur edhe një foto ku shihet se ajo tashmë e ka të rregulluar buzëqeshjen.
Ndryshe opinion e di mirë edhe kohën kur Gresa është pranuar në këtë fakultet, pasi mediat patën raportuar për mënyrën se si ajo pati arritur të bëhet studente e Stomatologjisë . Gresa, sic pati shkruar Koha Ditore, nuk ka arritur ta kalojë provimin pranues, por megjithatë ajo më vonë është parë në listën e studentëve. Në atë kohë, Jakup Krasniqi, babai i saj ishte kryetar i Kuvendit të Kosovës. Magazina.al
