Komisioni i Sanksioneve dhe Ankesave, KAS, rrëzoi kërkesën e PD-së për marrjen e 19 provave të reja lidhur me qarkun e Shkodrës.
Komisioni i Ankesave dhe Sanksioneve pranoi të administrojë provat e depozituara nga Partia Demokratike për qarkun e Shkodrës, ndërsa rrëzoi me shumicë votash kërkesën për marrjen e 19 provave të reja.
KAS vendosi me shumicë votash, të rrëzojë pretendimet e PD-së, lidhur me provat e disponuara, sipas saj, për parregullsi në këtë qark.
Dy anëtarë të KAS kërkuan të administrohen si provë të dhënat e kryqëzuara nga pajisjet e identifikimit elektronik të zgjedhësve për zonën zgjedhore në qarkun Shkodër, nëse ka raste të votimit të dyfishtë ose familjar.
Partia Demokratike kërkoi që të shtyhet mbajtja e mbledhjes për ditën e nesërme. KAS vendosi pas kësaj kërkese, që ta vazhdojë nesër seancën për Shkodrën.
/a.r
