Por a janë vërtet votuesit amerikanë kundër Trump?
Në Portland janë arrestuar 112 persona pas protestave të dhunshme, por pas një hetimi të thjeshtë u zbulua se 69 prej tyre as nuk kishin shkuar të votonin, pra më shumë se 60 përqind e atyre që protestonin nuk kishin votuar për asnjë prej kandidatëve.
Për të mësuar nëse një person ka votuar apo jo, në SHBA është deri diku e thjeshtë.
Para se të shkosh në qendrat e votimit duhet të regjistrohesh.
Kushdo që gëzon të drejtën e votimit shkon në sajtin “CanIVote.org” për t’u regjistruar duke vendosur të dhënat personale.
Ka mjaftuar ky verifikim i thjeshtë i policisë së Portlandit për të zbuluar se protestuesit, shumica e tyre, nuk ishin regjistruar për të votuar.
25 kishin shkuar të votonin por nuk dihet preferenca e tyre, nëse ka qenë Trump apo Clinton, ndërkohë që po verifikohen dhe pjesa e mbetur, raporton tema.
Protestuesit janë kryesisht të rinj, dhe sipas të dhënave nëse të gjithë të rinjtë do të kishin votuar, Clinton do t’i kishte fituar thellë zgjedhjet, por shumë prej tyre bojkotuan duke mos u paraqitur në qendrat e votimit.
