Kryeministri i Hungarisë, Viktor Orbán, është akuzuar nga kundërshtarët politikë se po përpiqet të krijojë tensione artificiale me Ukrainën për qëllime elektorale, pasi deklaroi se Kievi po përgatit sulme kundër Hungarisë dhe njoftoi dërgimin e ushtarëve për të mbrojtur “infrastrukturat energjetike kyçe”.
Deklaratat e tij vijnë në një moment delikat politik, pasi një sondazh i pavarur i publikuar së fundmi i jep partisë opozitare Tisza, të drejtuar nga Peter Magyar, një avantazh prej 20 pikësh ndaj partisë në pushtet Fidesz. Sipas sondazhit, Tisza do të merrte 55 për qind të votave kundrejt 35 për qind për Fidesz, rezultat që sipas Magyar do t’i siguronte opozitës shumicën prej dy të tretash të nevojshme për të ndryshuar Kushtetutën.
Në të njëjtën kohë, Komisioni Evropian ka bërë të ditur se Kroacia po i ofron ndihmë Hungarisë dhe Sllovakisë për të përballuar mungesat e mundshme të naftës pas ndërprerjes së furnizimeve përmes Druzhba-s. Sipas Brukselit, nafta po dërgohet me rrugë detare dhe më pas transportohet përmes oleoduktit Adria, duke garantuar sigurinë e furnizimit për të dyja vendet.
Megjithatë, autoritetet kroate kanë sqaruar se lejohet vetëm tranziti i naftës jo-ruse, në përputhje me politikën evropiane për reduktimin e varësisë nga energjia ruse. Hungaria dhe Sllovakia kanë nisur gjithashtu përdorimin e rezervave të tyre strategjike për të përballuar situatën, ndërsa BE-ja vazhdon përpjekjet për diversifikimin e burimeve energjetike.
Populli Hungarez eshte i zgjuar,tani me u a ka prure maje te hundes,ne votimet 12 pridhit,i japin lamtumiren e fundit,si mashtrues e diktator i neveriteshem.