Një grup ish-të përndjekurish është mbledhur për të protestuar para parlamentit, për një numër çështjesh.
Njëri prej tyre tentoi të hynte me forcë, çka ka sjellë ndalimin dhe shoqërimin nga forcat Shqiponja.
Të përndjekurit mbajnë parulla që kërkojnë largimin e drejtuesve të inkriminuar, duke i konsideruar si të padenjë për të qeverisur vendin.
Një nga ish-të përndjekurit politikë që mori fjalën në protestën para kuvendit tha se “ne sot protestojmë se pushteti politik po vret lirinë tonë e të fëmijëve tanë”.
Ai premtoi se protesta do të ketë në vazhdimësi kundër mazhorancës e qeverisë së Edi Ramës.
“Çdo javë do të protestojmë. I ftojmë deputetët të tregojnë pasuritë e tyre”.
“Protestojmë që politika të njohë moralin, që fëmijët tanë mos të mbeten peng i pushtetit të korrupsionit, i pushtetit të oligarkëve. Pas 25 viteve, Shqipëria ka emrin më të keq në Europë, emrin e shtetit më të korruptuar në Europë.
Çdo qytetar që ndihet i dhunuar nga pushteti i Edi Ramës, le të marshojë me ne.
Do të jemi çdo ditë në mbrojtje të lirë, në mbrojtje të pronës, në mbrojtje të të drejtave tona”.
