Partia Demokratike demonstroi akte dhune duke përdorur të miturit në dy protestat e fundit kombëtare, akte këto që çuan në lëndimin e disa policëve.
Analisti Rezart Kthupi, i ftuar në “Ora e Fundit” tha se partitë politike nuk duhet të ushtrojnë dhunë, ashtu bëri PD në protestat e saj.
“Unë si qytetar nuk do isha dakord me një opozitë të dhunshme. Nëse PD kërkon që mazhorancën ta detyrojë për të bërë një veprim të caktuar, ka shumë mënyra, por jo dhunë, Partitë politike nuk mund të ushtrojnë dhunë.
Përdorimi i të miturve në protestë është e papranueshme. Nuk duhet të lejohen të përdoren të miturit, për kauzat të partive, të cilat tentojnë të bëjnë dhunë”, tha ai.
Ai pohoi se “sikleti” më i madh me të cilët përballet sot Sali Berisha është injorimi që i bën faktori ndërkombëtar. Sipas tij, kreu i PD synon faktorizimin përmes akteve të dhunës.
Handikapi më i madh i Berishës është injorimi ndërkombëtar. Ai ka nevojë për dhunë, sepse duke patur dhunë dëshiron të kthehet në palë për faktorin ndërkombëtar. Berisha kërkon të faktorizohet përmes dhunës”, tha ai.
