Dje ishte dita e pestë e protestës për vrasjen e 25-vjeçarit, Klodian Rasha, nga një efektiv i policisë. Pasi ministri i Brendshëm, Sandër Lleshaj, dha dorëheqjen, protestuesit kërkojnë largimin e Ardi Veliut.
Ndryshe nga ditët e mëparshme, dita e pestë e protestës ishte më e qetë, pa kaluar në akte të dhunshme që kemi parë në ditët e kaluara
Pikërisht këto protesta për Klodian Rashën u diskutuan gjatë ditën e sotme në emisionin “Shqipëria Live” në Top Channel.
I ftuar për të komentuar protestën ishte avokati, Spartak Ngjela, i cili u shpreh se nuk lejohen halabakët të djegin qytetin. Sipas tij, policia s’të përkëdhel, të thyen brinjët.
“Ka qenë vrasje normale e thjeshtë. Po protestohet për një vrasje që nuk dihet se nga kush ka ardhur, kush je ti që të më prishësh pronën time. Këtu po flitet për shkatërrim, jo protestë. Ata që i shtynë për të dalë në protestë me Berishën në krye, janë budallenj”, tha Ngjela.
Sipas tij, arsyeja e vrasjes nuk dihet dhe ngre pyetjen se si ka mundësi që të përfshihen fëmijët në këtë protestë?
“Ju mendoni se fëmijët kanë dalë vetë? Shumica janë romë, po i paguajnë. Është një turp. Edhe policia po tregohet jashtë mase profesionale.
Policinë po e drejtojnë ekspertët e jashtëm. Fëmijët nuk i kap ligji. Ky është fakt, fakti është se kemi fëmijë të vegjël që po thyejnë qytetin. Kush i sjell këta fëmijë? I sjell krimi? Minorenët nuk dalin vetë në protestë, nuk e dinë se çfarë është protesta. Fëmija është i paguar. Si rregull kush e paguan fëmijën? Krimi i organizuar”, tha Ngjela.
/a.r
Turp eshte te diferencosh njerezit prej races e tyre. Edhe nqs do te ishin paguar, nuk mund te behen komente te tilla raciste duke vene ne dukje qe ata jane rome, si per te thene me percmim qe paguan “disa injorante pisanjoze”. Me vjen keq qe drejtuesit e emisioneve i lejojne keta njerez te shprehen lirisht me nenkuptime raciste dhe qe keto gjera as nuk perfillen ne Shqiperi. Ben edhe sikur i ardhka keq per Shqiperine. Po edhe keta shqiptare jane more “zoteria jo-rom” (por shume me shume i piset).