Ministri i Brendshëm Fatmir Xhafaj doli në një konferencë për mediat pas protestës së dhunshme në Kalimash.
Ai ka dhënë një deklaratë të fortë kur tha se persona të rrezikshëm me precedentë penalë shfrytëzuan të drejtën e protestës për një skenar të rëndë kriminal të iniciuar nga provokatorë të caktuar, pa saktësuar nëse pas tyre qëndronte politika.
Ai paralajmëroi ndëshkime të ashpra për personat që ndërmorrën aktet e dhunës dhe shkatërruan pronën publike e private.
“Vlerësoj profesinalizmin e policisë duke shmangur realizimin e skenarëve më të rëndë kriminalë për të cilin ishin e mbeten të interesuar provokatorë të caktuar. I jap mbështetje policisë së shtetit. Ky është një precedent jashtëzkaonisht i rrezikshëm, u bëj apel drejtuesve të pushtetit lokal të distancohen nga këto akte.
Deklaroj se policia e shtetit dpo të ketë përgjigje të ashpër për cdo person që është përfshirë në aktet e dhunës ndaj policisë e kanë sjellë dëm të madh ndaj pronës publike e private. Kush, nxit dhunën do marrë përgjigjen e merituar”, deklaroi Xhafa.
Xhafaj tha se gjatë protestës u lënduan 12 punonjës policie, njëri prej të cilëve sipas tij ëhstë në gjendje më të rëndë dhe po merr trajtm në spital. Xhafa i ka bërë thirrje edhe pushtetit lokal të distancohet nga këto akte dhe të japë ndihmesë për ritkhimin e normalitetit në aksin rrugor për lëvizjen normale të qyetarëve.
“Sikurse e ndoqët, manifestimi i quajtur paqësor u shndërrua në sulm barbar ndaj policisë e pronës publike e private. Grupe ku mes tyre kishte njerëz me të shkuar kriminale e rrezikshmëri të lartë, shfrytëzuan të drejtën legjitime të protestës.
Shpreh mbështetje për të gjithë ata qyetarë të një zone të dalluar për krenari e fisnkëri si zona e Kukësit, që u distancuan nga këta individë të papërgjegjshëm.
Asnjë e drejtë e pretenduar nuk mund të justifikojë në asnjë kohë sulmin kundër punonjësve të policisë. Janë lënduar 12 punonjës të FNSH nga gurët e sendet e forta të hedhura nga këta indivdë. Ndërsa një punonjës policie është plagosur më rëndë e po merr ndihmën në spital”, deklaroi Xhafa.
/a.m.
