rasja e një personi të armatosur nga policia ka shkaktuar protesta të dhunshme në Milwaukee të SHBA-ve. 24-vjeçari i vrarë nga policia u largua nga makina pasi u ndalua prej policisë. Në ndjekje e sipër policia e qëlloi dhe vdiq në vend nga plagët.
Rreth 100 persona raporton BBC u mblodhën për të protestuar, ku i vunë zjarrin disa ndërtesave, përfshirë një karburanti dhe disa makinave.
Gjithashtu, CNN raporton se ka pasur të shtëna me armë nga protestuesit si dhe një polic mbeti i plagosur pasi u godit me tullë.
Protesta ka ndodhur në zonë ku predominojnë banorë me ngjyrë të zezë dhe që njihet si zonë e varfër.
Policia nuk ka dhënë origjinën etnik të viktimës, por ka bërë të ditur se ishte i armatosur me pistoletë të vjedhur dhe rezultoi se ishte person i arrestuar më parë.
Gjatë protestës kreu i bashkisë së Milwaukee, Tom Barrett u kërkoi prindërve që t’u bënin thirrje fëmijëve që të ktheheshin në shtëpitë e tyre menjëherë./panorama/a.k
