Banorët e fshatit Drenas në Fier janë ngritur këtë të mërkurë në protestë, duke bllokuar rrugën nacionale Fier-Seman.
Shkak për këtë protestë është bërë ndërtimi i gazsjellësit nga kompania private TAP, pasi është dëmtuar ky aks rrugor si rezultat i kalimit të mjeteve të rënda.
Por pas protestës ka reaguar kompania që po kryen projektin e cila thotë se çdo dëm i shkaktuar do të riparohet sipas premtimit të bërë.
Deklarata:
Gazsjellësit Trans Adriatik, TAP, ashtu si edhe ka premtuar më parë, do të riparojë çdo dëmtim që është shkaktuar nga punimet për ndërtimin e gazsjellësit.
TAP dhe kontraktori i TAP janë takuar me banorët e fshatit Dermenas dhe i kanë informuar mbi segmentin rrugor Fier – Dermenas – Topojë – Stacioni i Kompresorit të TAP. Kur i gjithë transporti i materialeve për stacionin e kompresorëve do të përfundojë, kjo rrugë do të kthehet në gjendjen e mëparshme. Ndërkohë ky segment do të mirëmbahet kohë pas kohë nga ana e kontraktorit të TAP sipas nevojave. E njëjta përqasje është përdorur edhe në zonat e tjera ku ka pasur punime për ndërtimin e gazsjellësit TAP.
Përmirësimi i infrastrukturës rrugore që do të përdoret gjatë ndërtimit të gazsjellësit TAP ka nisur që në korrik të vitit 2015. Gjatë fazës së parë u përmirësuan mbi 58 km rrugë, u ndërtuan 2 ura të reja dhe u rehabilituan 40 ura ekzistuese. Gjatë fazës së dytë 70% e punimeve për rehabilitim in e rreth 137 km ka përfunduar./a.m.
