Kryetari i Partisë Demokratike Fier Luan Baçi ka reaguar sot në lidhje me protestën e së shtunës zhvilluar nga opozita në këtë qytet, duke akuzuar policinë se po arrestohen qytetarë për t’i frikësuar para protestës së 16 marsit.
Baçi dënoi atë që e quajti valë arrestimesh në Fier si dhe i bëri thirrje policisë të mos terrorizojë qytetin.
“Protestuesit janë me mijëra. Ku do t’i mbani? A ka vend në burgjet tuaja për të gjithë popullin?”- shprehet Luan Baçi, i cili e cilëson aksionin e policisë një hakmarrje politike të kryeministrit Rama.
Po ashtu, Baçi apeloi drejtorin e Përgjithshëm të Policisë, të “mos i terrorizojë qytetaret fierakë”. “Ata protestuan për më shumë punë, siguri, për varfërinë e tyre, tha ai.
Sipas Baçit, të shtunën qindra protestues fierakë dolën në protestë kundër vizitës së Ramës në këtë qark.
/a.rada
