Avokati i njohur Idajet Beqiri, i ftuar në emisionin “Ora e Fundit”, u shpreh se protesta në bulevardin “Dëshmorët e Kombit” nuk ka asnjë lidhje me kauzën fillestare, për të cilën njerëzit u mblodhën në shesh.
Beqiri pretendoi se protesta është organizuar prej kohësh dhe se synon t’i kundërvihet integrimit dhe zhvillimit të Shqipërisë. Ai deklaroi se pas saj qëndrojnë interesa që nuk duan investime në vend, ndërsa akuzoi edhe kryeministrin e Kosovës, Albin Kurti, duke e cilësuar si “antiamerikan”.
Sipas Beqirit, Alin Kurti solli mercenarë nga Kosova, për të protestuar në Tiranë. Në fund, Beqiri u bëri thirrje qytetarëve që, sipas tij, janë bashkuar me protestën për motive atdhetare, të largohen prej saj, pasi pretendoi se ajo rrezikon të ardhmen e Shqipërisë.
“Dy ditët e para të protestës ne u befasuam, se na erdhi si një rrufe në qiell të pastër. Me të vërtetë menduam se ishte fjala për Zvërnecin, për grabitjen e pretenduar të tokave që iu bënë njerëzve atje, se u përhap thash e themi se po shitet Shqipëria, po shitet Sazani, dhe me atë dhunë që ndodhi atje, ka vend për protestë. Por në ditën e tretë protestës i doli kallaji. Nuk ishte çështje Sazani apo Zvërneci, ishte një çështje e pastër politike.
Ishte një organizim i përsosur, kishte kohë që përgatitej, që t’i kundërvihej rëndë Shqipërisë. Ajo është një protestë antishqiptare, është protestë që i kundërvihet hapur integrimit të Shqipërisë. Nuk duan që në Shqipëri të vijnë investime, nuk do Serbia, nuk do Greqia, nuk do Irani.
Kurti është antiamerikan. Albin Kurti solli në Shqipëri mercenarë. Kjo protestë i ka ardhur fundi dhe njerëzit e pastër, atdhetarët e pastër duhet të largohen sa më parë prej saj, sepse rrezikojnë të ardhmen e Shqipërisë, jo vetëm të tyren personale.
Ata po e sulmojnë kryeministrin Edi Rama se pse nuk bëri 21 Janarin, Edi Rama nuk bëri Gërdecin, pse nuk e vrau Trebickën, pse nuk vrau Sokol Olldashin, pse nuk vrau dhe pse nuk zhduku Remzi Hoxhën? Këta ngrihen sot, këto që janë pozitivë nuk i duan, por këta duan Saliun”, tha ai.
Po pse e lejoni të flasë ky i burgosur ( si prokuror) në kohën e PPSH. Ky njeri i mbushur me mllef,vetëm e vetëm se nuk ju dha një post. Turp që vazhdo të flasë ky njeri
E degjoni kyt torodhakun,me emrin avukat,bene akuza,te pa drejta,por kta,keshtu jane mesuar,me rrena,mashtrime e intriga,kane genin e tile.Me idiotizmat e tyre,e cuan,Shqiperine ne humnere.Ky e tjerte si ky,ishin xhelatet e kohes,qe arrestonin,e burgosnin pe nji fjale,qe nuke u pershtatej ,kriminelve si puna ktije idioti.