‘PD nuk mbledh dot më njerëz në shesh për të bërë protesta’. Kështu ka deklaruar kreu i LZHK Dashamir Shehi, teksa komentoi 3 protestat që ka bërë PD me një pjesëmarrje të vogël protestuesish para Kryeministrisë.
I ftuar në emisionin ‘Frontline Interview’ në Report Tv, Shehi tha se pjesëmarrje e vogël në protesta është në favor të kryeministrit Edi Rama.
‘Të shohësh 200 veta aty në shesh janë pak. Opozita duhet që të shkojë të përballet në Parlament dhe t’i jap seriozitetin e duhur kësaj pune. Nëse del me 200 veta i tregon Ramës se kaq janë. Unë e quaj të gabuar këtë sepse s’ka numra të mjaftueshëm PD për protestë sepse u bënë 3 javë tashmë. Opozita nuk mbledh dot njerëz sepse gjysma e opozitës po shkon edhe vet në SPAK. Dhe qytetari thotë këta janë të gjithë njësoj s’ke pse del pro këtij apo kundër atij tjetrit’’, tha ai.
Për Shehin PD ka nevojë për lidership të ri. Sipas tij, kjo parti ka humbur edhe në zgjedhjet parlamentare edhe në ato lokale.
‘Unë uroj e shoh si të vetmen mundësi. I humbën edhe zgjedhjet, edhe ato parlamentare dhe lokale është një lloj testi edhe ajo. Nuk po them unë se të merrnin Tepelenën ose Beratin se s’janë marr ndonjëherë po të kishte ndonjë tendencë rritje në vota. Unë uroj që opozita jo ata që janë shefat e opozitës ata i kanë mbyllur hallet e veta, u bënë deputet, po populli opozitar nga këto nuk del në selamet. Duhet që të ndryshojë lidershipi. Edhe me largimin e Berishës, po me Berishën dhe pa Berishës ata që janë të rinj do të kenë mbështetjen e shumë njerëzve nëse merren seriozisht’, tha ai.
Teksa u ndal tek pezullimi i Belinda Ballukut nga detyra me vendim të GJKKO, Shehi tha se Balluku duhet të kishte dhënë dorëheqjen nga posti në momentin që u morë si e pandehur.
‘Kur një ministër është nën hetim jep dorëheqjen dhe vijon hetimi. Me gjej në një vend në botë që një ministër është nën hetim dhe vazhdon që të jetë në detyrë. Rama se ka për herë të parë këtë punë. Kjo histori mbyllej mjaftonte që zonja të jepte dorëheqjen. Në një shtet demokratik jepet një dorëheqje. Kanë futur edhe Gjykatën Kushtetuese në një lloj ngatërrese, sepse atyre i takon që të marrin edhe vendimet e veta. Kushtetuesja do të marrë një vendim të arsyeshëm brenda rendit kushtetues’, tha ajo.
Një koment e pati edhe për takimin e Salianjit me ‘rebelët’ në PD. Ai tha se nëse ata janë të sigurt se lidhershipi i PD nuk i çon drejt një fitoreje duhet që të bëjnë një grupim të ri.
‘Unë uroj që të ketë qenë më shumë se kafe. Duhet që të marrin kurajë dhe të përballen. Ka revoltë në Partinë Demokratike mendoj se ka ardhur pasi, ata kanë marr vota shumë në zgjedhje, këta dhe janë të rinj dhe duan një prespektivë politike po do kurajë kjo punë. Ka rrezik edhe për të humbur. Nëse do të merresh me këtë duhet që ti dalësh për zot. Shoh që ka një lloj hezitimi. Nëse janë të sigurt se ai lidership se udhëheq drejt fitores do të duhet ti dalin haptazi kësaj ideje’, tha ai.
