Kuvendi i Shqipërisë e ka afruar me një orë seancën e së hënës.
Mësohet se seanca e planfikuar për në orën 18:00, do të zhvillohet në orën 17:00. Shkak i këtij ndryshimi është bërë protesta e opozitës, e planifikuar të mbahet po më 8 korrik.
Partia Demokratike dhe aleatët njoftuan se protesta e tyre do të nisë në orën 20:00. Për të shmangur një sulm të mundshëm ndaj deputetëve, Kuvendi ka marrë këtë vendim.
Ditën e hënë pritet që Kuvendi të votojë ngritjen e komisionit hetimor për Presidentin.
Komisioni ka në fokus hetimet nëse kreu i shtetit e ka shkelur Kushtetutën përmes dekreteve dhe ç’dekreteve të tij për zgjedhjet lokale.
/a.r
