Ambasadori amerikan, Donald Lu ka shkuar sot në zyrën e ish kryeministrit Berisha për të biseduar lidhur me qëndrimet e fundit dhe protestën e opozitës. Në fokus të bisedës ka qenë kriza politike, protesta e opozitës, dëbati për shtyrjen e zgjedhjeve dhe kerkesa për qeveri teknike. Mësohet se është diskutuar edhe për zbatimin e reformës në drejtësi dhe ngritjen e komisioneve të vettingut.
Takimi i tyre që zgjati rreth 60 minuta, vjen pak ditë pasi kreu i PD-së, Lulzim Basha u takua me ambasadorët e vendeve të BEsë dhe i bëri të qartë atyre se opozita nuk tërhiqet nga kushti i saj për të kërkuar qeverinë teknike si e vetmja garanci për të garantuar zgjedhje të lira dhe të ndershme.
Nga ana e tij edhe ish kryeministri Berisha ka bërë thirrje për largimin e Edi Ramës dhe krijimin e një qeverie teknike.
a.ç
