Kryetari i Kuvendit, Ilir Meta, gjatë një prononcimi për mediat ka deklaruar se duhet të punohet që zgjedhjet e 18 qershorit të jenë të shkëlqyera larg qëndrimeve kategorike. Sipas tij, qëndrimet kategorike do të sillnin pasoja katastrofike. Meta ka replikuar ne distancë dhe me qëndrimin e PS që është shprehur se pavarësisht nëse PD hyn apo jo në zgjedhje ato do të zhvillohen.
“Njoftojini të gjithë që pluralizmi ka ardhur që në 12 dhjetor të vitit 1990 në Shqipëri dhe ne duhet të gjithë të punojmë që këto të jenë zgjedhjet e shkëlqyera larg qëndrimeve kategorike që mund të na sillnin pasoja katastrofike, të padëshiruara për Shqipërinë, shqiptarët dhe sidomos për të ardhmen e këtyre fëmijëve të mrekullueshëm”, u shpreh Meta.
ma.me
