Qytetarët janë mbledhur për të 20-ën ditë radhazi në protestë kundër qeverisë. Ata janë mbledhur fillimisht në sheshin ‘Skënderbej’ ndërsa kanë vijuar me marshimin drejt kryeministrisë. Ashtu si dhe në ditët e tjera, qytetarët mbajnë në duar pankarta kundër qeverisë aktuale dhe partive politike. Thirrjet që dominojnë janë ato të çdo dite ‘Rama në burg, Berisha në burg’, ‘Rama jepe dorëheqjen’.
Në tre protestat e fundit, Policia ka proceduar penalisht dhjetëra protestues pasi kanë bllokuar akset rrugore, kanë prishur rendin e kanë shkeluar fashën orare e perimetrin e njoftuar për zhvillimin e tubimit.
