Pas fjalës dhe ironisë së Ramës kundrejt Ben Blushit, i cili tha se Shqipëria nuk mund të bëhet me përralla, ish deputeti socialist ka reaguar në parlament, por edhe në rrjetin e tij social.
Përmes një postimi në Facebook, Ben Blushi ka ironizuar Ramën, duke thënë se duhet bërë një pakt, që sa herë përmendet kanabisi duhet të flasë Rama, sa herë përmendet fjala armë Berisha, dhe sa herë flitet për para, të çohet e të flasë Meta.
Postimi i Blushit
PROPOZIM PER NJE PAKT NE PARLAMENT
I kam ofruar palëve në Kuvendin e Shqipërisë një pakt, që shpresoj ta respektojnë.
Sa herë të përmendet fjala LIBRA, unë duhet të kem të drejtën e replikës. Sa herë të permendet fjala KANABIS, Edi Rama të ketë të drejtën e replikës. Sa herë të përmendet fjala ARME, Sali Berisha të ketë të drejtën e replikës dhe sa herë të përmendet fjala PARA, tre partitë e vjetra, Rilindja, PD dhe LSI, mund të këndojnë në kor./java/a.k
