Edith Harxhi nga grupimi ‘Për PD”, ka reaguar ashpër për deklaratat e kryeministrit Edi Rama, në takimin me kryeministrin e Kosovës, Albin Kurti.
Sipas saj, cinizmi i Edi Ramës sot në Kosovë gjatë konferencës për shtyp me Kryeministrin Kurti është i paprecedentë.
“Si mund të thotë Kryeministri i Shqipërisë “ne jemi me ju”. Çdo me thënë ne jemi me ju? Me kë tjetër do jemi ne?
Si mundet Kryeministri i Shqipërisë të bëje propagandë alla Tito për të ashtuquajturën “Open Balkans” në mes të Prishtinës, bash në ditët kur Serbia ka vënë tanket dhe forcat speciale të ushtrisë serbe, 2 km nga kufiri i Kosovës”, ka shkruar Harxhi në rrjete sociale.
Ndër të tjera Harxhi tërheq vëmendjen e Opozitës e cila hesht, sipas saj, për këto deklarata të paprecedenta.
“Po “opozitë” a ka Shqipëria? Marre t’ju vijë gjithë këtyre drejtuesve të establishmentit shqiptar, që janë pjesë e të njëjtit projekt kundër demokracisë në Shqipëri dhe Kosovës”, shkruan Harxhi.
/m.j
