Rrjeti prestigjoz televiziv “Al Jazeera” ka realizuar një investigim për atë që e cilëson “Britain’s modern slave trade”. Pjesë e këtij investigimi është dhe një lavazh me një pronar shqiptar. Pronari i lavazhit është shqiptar dhe quhet Avion Elezi 35 vjeç.
Një nga stilet e tij që të mos i largohen punëtorët është që t’i mbajë në borxh dhe u sekuestron dokumentet e udhëtimit. Shumica e punonjësve janë nga Rumania dhe dinë shumë pak anglisht ose nuk dinë fare. Ata thonë se paguhen 35 paund për 12 orë punë në ditë. Aq sa është dhe paga minimale në Britani, por ata thonë se ka raste kur paguhen edhe më pak.
“Trajtohemi më keq se skllevërit”, thotë një prej tyre.
Nis që nga akomodimi, ku në një dhomë apartament të vogël jetojnë deri në gjashtë persona, për të cilën paguajnë 40 paund në javë. Punonjësit thonë se u vendos gjoba për dëme të vogla që u shkaktohen makinave. Përveç kësaj, ata thonë se ushtron dhe dhunë fizike.
Por në momentin që gazetari i “Al Jazeera” ka shkuar në këtë lavazh, Avion Elezi i ka treguar se punonjësit janë part-time dhe se ata janë të lumtur që punojnë aty. Gazetari rikthehet sërish në lavazhin e shqiptarit për t’i thënë atij se i trajton punonjësit si skllevër modernë.
“Nuk po e bëj një gjë të tillë. Unë punoj vetë çdo ditë, kam tre fëmijë për të rritur. Nuk detyroj askënd të punojë këtu”, deklaron pronari shqiptar Avion Elezi. Mapo
