Lushnja u trondit mbrëmjen e djehsme nga një vrasje me armë zjarri. Ngjarja ndodhi në fshatin Goriçaj të Divjakës në orët e mbrëmjes. Raportohet se viktimë ka mbetur shtetasi Judmir Stambolliu ndërkohë autor i krimit është shtetasi Petrit Toromëni, pronar i lokalit ku ndodhi ngjarja.
Ngjarja ka ndodhur pas një konflikti çasti bën me dije policia zyrtarisht ndërkohë burimet raportojnë se viktima i ngacmoi seksualisht gruan autorit. Ky version konfirmohet nga dëshmitarër në vendngjarje. Sipas dëshmive, viktima i ngacmoi gruan pronarit të lokalit dhe madje tentoi ta kapë me zor.
Petrit Toromëni u ngjit në katin e dytë ku kishte banesën dhe mori armën. Pasi u rikthye hapi zjarr ndaj 42-vjeçarit nga jashtë lokalit duke i shkaktuar plagë të rënda. Ai u transportua për në spital por vdiq rrugës. Ndërkohë autori pas krimit nuk u largua nga vendngjarja dhe priti ardhjen e policisë.
Viktima Judmir Stambolliu rezulton person me precedentë penalë. Ai është dënuar me 11 vite burg për shfrytëzim prostitucioni dhe ka dalë nga burgu në fillim të 2017-ës.
Viktima, sipas policise rezulton me dy emra. Judmir Stambolliu, (Admir Llupo, sipas policise).
Njoftimi i policisë:
Në datën 11.12.2017, rreth orës 23:40 në Sallën Operative të Komisariatit të Policisë Divjakë ka ardhur një telefonatë se në fshatin Goriçaj ka ndodhur një vrasje.
Mënjëherë është nisur drejt vendit të ngjarjes grupi hetimor i cili ka konstatuar se:
Në fshatin Goriçaj, Divjakë, në një lokal është qëlluar me armë gjahu shtetasi A.Ll, 42 vjeç, banues në Goriçaj, Divjakë, i cili ndërroi jetë rrugës për në spital.
Në kohë rekord policia e Divjakës zbardh ngjarjen dhe arreston në flagrancë autorin e dyshuar.
Nga hetimet paraprake rezultoi se autori i dyshuar i kësaj ngjarje është shtetasi Petrit Toromëni, 42 vjeç, banues në fshatin Goriçaj, Divjakë, pronari i lokalit ku ka ndodhur vrasja.
Dyshohet se vrasja ka ndodhur si pasojë e një konflikti të çastit për motive të dobëta.
Policia po punon për zbardhjen e plotë të rrethanave dhe shkakut të ngjarjes.
/a.m.
