Prokuroria ka sekuestruar shumën e 840 mijë euro të cilat iu gjetën në automjet biznesmenit 25-vjeçar Orest Lefter Sota. Ai u la në burg me vendim të Gjykatës së Elbasanit këtë të shtunë, pas trupa gjykuese vlerësoi të ligjshëm urdhrin e ndalimit të Prokurorisë. Në automjetin “Land Rover” të drejtuar nga Sota u gjet shuma e konsiderueshme prej 840 mijë euro, për të cilat nuk ka pasur dokument shoqërues.
Pretendimet e paraqitura nga biznesmeni se me to do paguante faturat e tregtimit të hekurit ka qenë të pamjaftueshme dhe me urdhër të Prokurorisë ndaj shumës në fjalë është vendosur sekuestro. Biznesmeni Orest Sota akuzohet për drejtim automjeti pa leje, mosbindje ndaj urdhrit të policisë dhe fshehje e të ardhurave.
ma.me
