Prokuroria kërkon 10 vite burg për Andrea Memollarin. I riu përplasi për vdekje Dhurata Dokun, dhe palgosi dy fëmijët e saj. Mbi te rendoi akuza per aksident me pasoje vdekjen. Memollari mungoi ne seancen ku u publikua kerkesa e Prokurorise. Ai perfiton ulejn me 1/3 denimit per pranimin e fajesise.
Pas ngjarjes së rëndë në rrugën “Jordan Misja” në Tiranë, ku humbi jetën Dhurata Prifti, Andrea Memollari deklaroi përpara efektivëve të policisë se ishte duke biseduar në telefon në momentin që shkeli gruan me makinë. “Nga larg nuk e pashë se kishte njerëz që po kalonin rrugën. Ma kishte marrë mendjen telefoni. E kuptova që e kisha shtypur vetëm kur trupi ishte poshtë makinës”- deklaroi ai.
Dhurata Prifti
Gruaja 38-vjeçare u aksidentua për vdekje nga Memollari, teksa ky i fundit ishte duke drejtuar makinën tip “Mercedes-Benz” me targa AA 476 GL. Në momentin kur ndodhi aksidenti, Prifti ishte duke kaluar në anën tjetër të rrugës së bashku me dy djemtë e saj. Në tentativë për të shpëtuar fëmijët, ajo i ka shtyrë ata, duke u shpëtuar jetën. Ndërsa, autori i krimit i ka dhënë gaz makinës duke u larguar nga vendi i ngjarjes, për t’u prangosur vetëm pak orë më vonë. Kurse gruaja u dërgua me urgjencë në Spitalin e Traumës, por fatkeqësisht nuk mundi t’u shpëtonte plagëve të marra në trup e në kokë.
Një vit më parë, 20-vjeçari Andrea Memollari ishte arrestuar nga policia, pasi ishte duke lëvizur me shpejtësi në një nga zonat e Tiranës. Ai ka tentuar të korruptojë policin duke i ofruar 500 lekë të reja në mënyrë që la linte të largohej. Në atë kohë, Prokuroria kërkoi 6 muaj burg për Memollarin, por gjykata vendosi ndaj tij dënimin me 40 orë punë në komunitet. Pas kësaj, Memollari kreu dënimin me rehabilitim, me punë të detyruar në muze.
