Vetem pak pas publikimit te kerkeses per heqjen e imunitetit te Saimir Tahirit, prokuroret zbarkojne ne Kuvend. 
Prokuroria sapo ka dorëzuar kërkesën për heqjen e imunitetit dhe vënien përpara drejtësisë së Saimir Tahirit.
Ne kete video postuar nga Opinion.al, duket se nga makina kanë zbritur përfaqësues të prokurorisë të cilët i kanë dorëzuar zyrtarisht kërkesën në Kryesinë e Kuvendit.
Kerkesa e Prokurorise
Prokuroria për Krime të Rënda kërkon nga Kuvendi i Shqipërisë autorizimin për heqjen e imunitetit të deputetit Saimir Tahiri, në vijim të një hetimi të nisur për veprat penale të “Trafikut të narkotikëve”, kryer në bashkëpunim, në formën e posaçme të grupit të strukturuar kriminal dhe “Korrupsionit pasiv të zyrtarë të lartë shtetërore dhe të zgjedhurve vendorë”, parashikuara nga nenet 283/a/2 dhe 260 të Kodit Penal.
Prokuroria për Krime të Rënda po zhvillon hetime, në bashkëpunim me autoritetet italiane, për një grup kriminal, i cili ka trafikuar sasi të mëdha lënde narkotike kanabis sattiva nga Shqipëria në drejtim të Italisë.
Në bazë të të dhënave të përftuara në kuadër të këtij hetimi, Prokuroria për Krime të Rënda kërkon nga Komisioni i Mandateve në Kuvendin e Shqipërisë dhënien e autorizimit për “arrestimin, heqjen e lirisë dhe kontrollin personal e të banesës” për deputetin Saimir Tahiri.
ma.me
