Kjo, për shkak se me ndryshimet e reja Kushtetuese, institucionit qendror të akuzës i është hequr hetimi ndaj zyrtarëve me imunitet. Veç deputetëve, në hetim është edhe gjyqtarja e Gjykatës së Lartë Majlinda Andrea bashkë me bashkëshortin e saj dhe dy ndihmësit, për akuzën e “korrupsionit”. Prokuroria thotë se edhe ndaj tyre, dosja rrezikon të pushohet për shkak se me ndryshimet e reja, hetimi i kësaj kategori njerëzish i ka kaluar SPAK-ut, institucion ky që ende nuk është krijuar.
Sipas Prokurorisë, mos parashikimi i një dispozite kalimtare në ndryshimet e reja Kushtetuese ka sjell ngërç në institucionin e akuzës, sidomos në hetimin e këtyre çështjeve. Në hetim, për akuzën e kundërshtimit të forcave të rendit janë 8 deputet të Partisë Demokratike ndërsa Gent Strazimiri po hetohet për akuzën e “armëmbajtjes pa leje”.
Veç këtyre, Prokuroria ka në hetim pasuror deputetin Tom Doshi dhe një dosje penale ndaj tij ndodhet në gjykim për akuzën e “kallëzimit të rremë”. Në gjykim ndodhet edhe dosja penale në ngarkim të deputetin Armando Prenga, i akuzuar për kanosje dhe plagosje me armë zjarri. Dosje për të cilat nuk parashikohet se çfarë rruge do të ndjekin pas këtyre ndryshimeve, meqenëse ende nuk është krijuar institucioni i SPAK-ut.
Këtë shqetësim e ka ngritur edhe kryeprokurori Adriatik Llalla gjatë një reagimi publik, ku kërkon me urgjencë që Ministria e Drejtësisë dhe Kuvendi të parashikojnë dhe miratojnë një dispozitë kalimtare për mënyrën se si do të funksionojë prokuroria deri në krijimin e SPAK-ut.
ma.me
