Gjon Juncaj, eksperti i misionit të OPDAT të SHBA, i cili ofron ekspertizën e drejtpërdrejtë mbi çështjet e korrupsionit për zyrtarët si dhe hetimit pasuror pranë njësisë antikorrupsion në Prokurorinë e Krimeve të Rënda ka ndjekur sot nga afër punimet e seancës plenare.
Ndërkohë që është parë duke ndjekur me vëmendje dhe debatin mes Ramës dhe Berishës si dhe sulmet që ish-kryeministri Berisha ka lëshuar sërish ndaj ambasadorit amerikan Donald Lu por dhe ndaj ish-kryeprokurores Ina Rama.
Në Kuvend po diskutohet mbi 6 ligjet për reformën e drejtësisë, të cilat pritet edhe të votohen në seancën e sotme. Prokurori shqiptaro-amerikan ka filluar punë tek Krimet e Rënda që prej 11 shtatorit 2015.
Njësia Antikorrupsion numëron rreth 400 raste, mbi të cilat po kryhen veprimet procedurale sa u përket hetimeve pasurore për persona dhe grupe të strukturuara kriminale, si edhe për raste të dyshuara korrupsioni në nivele të larta drejtuese.
ma.me
