Vjedhja si në filma e bankës në ish-bllok tashmë po hetohet nga prokurori i Tiranës Adriatik Cama. Ky i fundit ka marrë në dorë hetimet, ku në bashkëpunim edhe me disa oficerë të policisë, gjatë ditës së djeshme kanë kryer dhjetëra verime hetimore dhe proceduriale me qëllim identifikimin dhe arrestimin e personave të dyshuar si të implikuar në këtë ngjarje kriminale.
I kontaktuar në telefon nga “Shqiptarja.com” Prokurori Cama ka pohuar se janë duke kryer një seri veprimesh. Sipas tij, dyshime janë ngritur mbi disa persona, por ai shtoi se më parë duhet të sigurohen provat dhe të dokumentohet prania e tyre në vendin ku ka ndodhur krimi i rëndë.
Gjatë ditës së djeshme, në pyetje janë marrë disa prej punonjëve të bankës së grabitur, të cilët kanë dhënë sqarime lidhur me atë çfarë kishin konstatuar mëngjesin ë së hënës, kur janë kthyer në punë, pas një pushimi dy ditor. Dëshmia e tyre dhe e disa personave të tjerë është administruar në dosjen hetimore e bashkë me të dhe shumë prova të tjera.
Prokurori Cama, njihet si një nga dy prokurorët që kanë hetuar dhe përfaqësuar akuzën në gjyq në dosjen hetimore të vrasjeve të 21 janarit përballë kryeministrisë.
