Prokurori Genti Trenova përfundimisht mund të largohet nga sistemi i drejtësisë. Ai bën me dije në rrjetin social në Facebook se Kolegji i Apelimit ka lënë në fuqi vendimin e Komisionit të Pavarur të Kualifikimit.
Trenova shkruan se procesi i vettingut po bëhet në mënyrë selektive i shoqëruar me presion psikologjik dhe gjobëvënie, duke shtuar se procesi i hetimit ndaj tij është bërë nga persona të paaftë dhe mediokër.
Komisioni i Pavarur i Kualifikimit shkarkoi nga detyra Trenovën, prokuror i Apelit, vendim i cili u mor më 20 qershor të këtij viti.
Trenova ishte njëkohësisht edhe një nga anëtarët e Këshilli të Emërimeve në Drejtësi (KED).
Reagimi i plotë në Facebook i Trenovës:
Sot u njoftua nga Kolegji i Apelimit se eshte lene ne fuqi vendimi i KPK per shkarkimin tim nga detyra. Nuk pres keqardhje nga asnje.
Te gezohet kush te doje e te merzitet kush te doje. Doja te komentoja se procesi i vetingut po kuptohet qarte se po behet ne menyre selektive e shoqeruar me presion psikologjik dhe gjobvenie.
Procesi i hetimit dhe gjykimit tim eshte bere nga persona te paafte apo medioker, te marre nga rruga dhe te urdheruar per te vendosur sipas interesave te politikes.
Sa per ONM ajo sherben sa per fasade per te fshehur padrejtesite apo per te mbushur me propagande procesin. Jeta vazhdon me shanse dhe persepektiva te reja.
/b.d
