I kërkon qytetarit një rryshfet prej 18 mijë eurosh, në mënyrë që ai të marrë paratë e tij, një shumë e bllokuar parash në valutë.
Emri i prokurorit është Ardian Braho, punonjës i Gjykatës së Kryeqytetit. Ai është filmuar nga kamera e fshehtë e emisionit investigativ në Klan, “Stop”.
Qytetarit i kishin ardhur 120 mijë euro nga jashtë vendit, por prokurori ja ka bllokuar me argumentin se ishin nën dyshim për para të pista. Pas verifikimeve se burimi ishte i pastër, Braho i ka kërkuar qytetarit që të paguajë ryshfet për t’i zhbllokuar.
Në videon e parë shfaqet qytetari që bisedon me oficerin e policisë gjyqësore të identifikuar me emrin Fatos, i cili thotë të paguajë 18 mijë euro për t’i zhbllokuar paratë.
Ai madje i thotë se po të ishin të pista t’i harronte për t’i marrë.
Bisedimi i zbardhur:
Por si nis e gjithë historia? Denoncuesit, i cili trokiti në emisionin investigativ “Stop”, i transferuan me bankë nga jashtë shtetit drejt Shqipërisë 120 mijë euro. Pas një indicie nga Krimi Ekonomik kjo shumë iu bllokua.
Dhe për të marrë atë që i takonte, pasi me dokumente ai kishte vërtetuar se ishin “para të pastra”, iu desh të paguante plot 18 mijë euro për prokurorin. Ky i fundit, prokurori Ardian Braho, i merr lekët (në video) nëpërmjet oficerit të policisë gjyqësore, Fatosit.
Qytetari: Si ia kalove? Mirë?
Unë do pyes për atë Ardian Braho, Fatosi ç’kam me i dhënë disa dokumenta.
S’e di a zbresin poshtë t’i marrin, apo do ia çoj sipër? Pyeta për atë Ardianin. Ardian Braho. Fatosi ka me më dhënë disa dokumenta.
Recepsionisti: O zotëri nuk po të marr vesh. S’po të marr vesh ça. Njëherë Ardiani, njëherë Fatosi. l
Qytetari: O Ardiani, o Fatosi cilido.
Recepsionisti: Fatosi?
Qytetari: Po. Po, se kam me i dhënë dokumentet. A të shkoj sipër, a vijnë i marrin poshtë?
Më është stakuar telefoni. A të erdhi mesazhi? A të erdhi mesazhi?
Oficeri : Jo. E pata në…
Qytetari: Jo. Se s’mund të thirr më është blloku telefoni. Shif a të ka ardh mesazhi, mesazhi të ka ardh që në mëngjes. Kam marrë operatorin (telefonik).
Oficeri: Ç‘a bone ti?
Qytetari: Si kalove? Unë thashë n.q.s ashtu me ardh me të taku. Erdha i thashë atij që kshu kshu.
Oficeri: Më tha Ardiani do vijë të takojë ai.
Qytetari: Ç‘a bone ti? A fole me atë a s’fole a ç’a?
Oficeri: Fola. I thashë. T’u prit ato tha, shkresat.
Qytetari: Po sa ditë me një fjalë mbasi?
Oficeri: Sot, sot.
Qytetari: Jo dakord dakord për ashtu, por mbasi të… Kur mund ta çojmë prapë?
Oficeri: Sot, o sot direkt.
Qytetari: Po kshu me një fjalë po të shkoj unë mbaroj punë tashi mund të shkoj tek banka. Janë të lira lekët mbasdite?
Oficeri: Nuk është mirë me tërheq sot gjë atje bo muuu kjo punë. A kupton?
Qytetari: Jo, jo.
Oficeri: Çdo lëvizje duket është e dyshimtë.
Qytetari: Jo, po dakord po p.sh, unë të thashë dhe atë ditë po të ishin lekët të pista, s’e çaja kokën.
Më tha edhe Ardiani do t’i çoj një shkresë edhe do kthehet përgjigje. Mrena dy tre javëshit po them kthehet përgjigja.
Ajo besoj që a kthy ka nja një muaj e ca.
E ka pa që nuk janë lekë të pista, janë lekë pune.
Oficeri: Ore ti imagjino të kishe pas rekorde krminale e kishin harru ato e kishin kalu në favor të shtetit.
Të kishe pas e zëmë…
Qytetari: Të kishin qenë lekë të pista s’vija as unë me i kërku. Po n.q.s unë çoj 10 (mijë euro) sot, 8 (mijë euro) atë ditë që të bëhen 18 (mijë euro) në fund. A është në rregull?
Kam me shku me takku edhe nja dy miq, se të thashë unë s’mundem të marr. Unë vetëm 3000 (euro) kam.
Oficeri: Jo, jo nuk bëhet. Po s’u bë sot, ngelet për nga shtatori.
Qytetari: Unë thash t’i jap kështu (paratë).
Oficeri: Jo pra s’jam t’u i marr unë copa-copa (paratë) o burrë. E di sa frikë e kam këtë punë.
Hyj unë në siklet për punët e të të tjerëve për syt të ballit. Për kokë të fëmijëve, a kupton? Se secili ka telashet e veta. Ç‘a më duhet mu?
Qytetari: Me një fjalë mrena javës tjetër është e sigurt domethënë
Oficeri: Sot shkon shkresa direkte, hiqet sekuestro, e ke të lira, janë të tuat. Çështja pushohet. Merr vendimin e pushimit. Jo me mua s’ke punë asnjë gjë.
Qytetari: Rregulloheni ju vet, a kupto?
Oficeri: Ore unë asnjë qindarkë, nuk prek gjë. Sikur të duan ato me shku me ia lënë aty.
Grup 0 grup, e shkoj në punë teme. S’merrem unë me atë punë. Kam bizneset e mia. S’kam kohë me u marr me atë punë.
Reagon Manjani
Ministri i Drejtësisë Ylli Manjani ka reaguar menjëherë pas publikimit të video-skandalit.
Duke u shprehur se kjo ngjarje është e dënueshme, kreu i Drejtësisë nxit Prokurorinë për një hetim të thellë dhe të plotë për çështjen.
“Kjo është një ngjarje e dënueshme. Nxis një hetim të thellë dhe të plotë për çështjen. Është i nevojshëm një veprim energjik i ligjit”, u shpreh ministri Manjani.
/klan/a.k
