Prag skandali i rende kushtetues. Serish ne institucionet e sistemit te Drejtesise dhe
perseri ne qender te tij eshte Presidenti Bujar Nishani. Kete here jo ne gjyqesor, por ne prokurori. Gjithnje ne shenjester eshte reforma ne Drejtesi, kundershtimi i saj deri ne fund.
Top Channel njoftoi dje se ka deshtuar nje mbledhje e Unionit te Prokuroreve te Shqiperise, paralajmeruar per kete fundjave. Televizioni kombetar me i madh ne vend, hodhi dyshime se gjithcka ka ardhur per shkak te percarjes mes radheve te prokuroreve, ndare ne te vjeter e magjistrate, por ndare keshtu edhe persa i perket reformes ne Drejtesi.
Skandal.al mesoi dje pas njoftimit per shtyrjen e mbledhjes se, ajo ishte thirrur per te bere bashke prokuroret kunder ligjit per rivleresimin e figures se gjyqtareve e prokuroreve ne sistem-ligji i wetting-ut.
Po nuk ja kane dale dot.
Nje burim nga brenda radheve te prokuroreve i tha Skandal.al se, nje iniciative e disa diteve me pare synoi te mblidhte firmat e te gjithe prokuroreve ne sistem kunder ligjit te “wetting-ut”.
Por gjithcka deshtoi, as gjysmat e prokuroreve hodhen firmat ne te bardhe.
Nje numer i konsiderueshem prokurorish ne rrethe, nuk mblodhen asnje firme duke refuzuar te behen pjese e kesaj nisme rebeluese; shume prokurore refuzuan te firmosin kunder ligjit qe gjithsesi me kontributin e Partise Demokratike eshte nen gjykim kushtetues.
Duhet te ishte nje goditje e rende qe solli deri ne shtyrjen e mbledhjes se Unionit qe do te ishte nje tjeter deshtim.
Por dikush nuk fal.
Skandal.al mesoi sot se Presidenti Nishani dhe Prokurori i Pergjithshem Llalla, nuk kane falur.
Nje seri ndryshimesh ka perfshire menjehere drejtuesit e prokurorise ne rrethe.
I pari eshte Elbansani, prokuroret aty nuk kane firmosur thuajse fare ne letren ku kundershtohej ligji i “wetting-ut”.
Dritan Gina-bashkeshorti i nje drejtoreje te rendesishme ne prokurori, Rovena Gashi, ka marre drejtimin e prokurorise ne Elbasan.
Ndryshimet e tjera po konfirmohen thuajse ore pas ore.
Por ajo qe shqeteson ka te beje me kushtetushmerine e propozimeve te prokurorit Llalla dhe emerimeve te presidentit Nishani.
Kushtetuta e re, ne menyre taksative ka ndaluar prokurorin e Pergjithshem dhe Presidentin e Republikes te emerojne prokurore.
Te gjitha emerimet e prokuroreve, me Kushtetute jane atribut vetem i Keshillit te Larte te Prokurorise. Kushtetuta eshte ne fuqi dhe, cdo propozim i prokurorit Llalla dhe emerim i presidentit Nishani ne radhet e prokuroreve eshte i ndaluar nga Kushtetuta.
Skandal.al ka mesuar se afro gjysma e levizjeve ne prokurori, jane bere me dekret nga ana e presidentit Nishani, perfshire emerimin ne prokurorine e Pergjithshme te ish drejtuesve te prokurorise ne Vlore dhe Tirane. Por ne faqen e Presidentit te Republikes keto dekrete mungojne.
Dy ligje te tjera te miratuara menjehere pas Kushtetutes, ai per statusin e prokuroreve e gjyqtare si dhe ligji per prokurorine, kane konfirmuar Kushtetuten e re persa i perket emerimeve.
Por edhe pse te dy ligjet ende nuk kane hyre ne fuqi, eshte Kushtetuta ajo qe ka marre fuqi te plote dhe ndalon veprimet e prokurorit te pergjithshem dhe presidentit ne emerime prokuroresh. Gjithcka mbetet te verifikohet neser, vecanerisht persa i perket dekreteve te presidentit te cilet, nese jane edhe pse nuk publikohen, perbejne nje skandal te madh kushtetues.
