Vijojnë aplikimet për projektin “Smile from Albania”, i cili pritet të punësojë 1 mijë të rinj e të reja në promovimin e Shqipërisë turistike.
Aplikantët duhet të plotësojnë një sërë kriteresh për t’u bërë pjesë e projektit, të cilat përfshijnë:
Moshën 18 deri në 30 vjeç
Paraqitje të rregullt dhe standard në bashkëbisedim
Njohur bazë të gjeografisë dhe historisë së vendit
Njohuri nga zona dhe të vlerave turistike të zonës ku do të aktivizohen
Komunikim i mjaftueshëm në gjuhën angleze (gjuhët e tjera përbëjnë avantazh)
Prezencën në pikat e caktuara sipas orareve dhe organizimit të përcaktuar
Dedikim në kërkesat për të kontribuuar në këtë iniciativë
Ndërkohë, për të aplikuar për këtë projekt, duhet që të interesuarit të dorëzojnë një sërë dokumentesh, si:
Një kërkesë
Kopje të kartës së identitetit
Foto personale jo më të vjetër se 3 muaj
CV (formati Europass)
Diplomë e shkollës së mesme ose të lartë apo vërtetim që po ndiqni studimet
Sa i takon kërkesë, duhet që aplikanti të shprehë qartë që kërkon të marrë pjesë në projektin “Smile Albania”, ku duhet të përcaktohet qartë vendodhja, e lidhur kjo me afërsinë dhe mundësinë për të qenë pranë info point-eve të përcaktuar.
Aplikimet mund të bëhen në adresën akzm.gov.al/smile.albania/aplikotani, duke dërguar dokumentet në smile.albania@akzm.gov.al apo në adresat postare të zyrave të Agjencisë Kombëtare të Zonave të Mbrojtura.
Projekti i cili do të mundësojë punësimin sezonal të të rinjve nga e gjithë Shqipëria, do të shtrihet përgjatë gjithë sezonit turistik në të gjitha pikat hyrëse dhe zonat turistike./a.m.
