Kryeministri Edi Rama ka prezantuar para sipërmarrësve programin prej 1 miliardë dollarësh investime për punë publike këtë vit. Ai deklaoi se investimet do të fokusohen në disa sektorë të rëndësishëm si shëndetësia, arsimi por edhe infrastruktura rrugore. Rama tha se falë skemës së partneritetit publik-privat, taksapaguesit nuk rëndohen me këto investime kaq të mëdha në vetëm 1 vit.
“Siç është tani më e qartë nga filozofia jonë e re e partneritetit publik-privat, ku asnjherë shtetit nuk harxhon paratë e tij për të favorizuar një subjekt privat, duke ngarkuar me barrë financiare qytetarët apo taksapaguesit. Kemi trashëguar një histori të vështirë konçesinesh që kanë pasur një histori tjetër, ku privatët paguheshin nga vetë shteti me tarifa ekstra, dhe kësaj trashëgimie ne i kemi dhënë fund. Mbi 1 miliardë dollarë në vit për invesitme publike, duke garantuar që të mos kemi asnjë luhatje për mbajtjen nën kontroll të defiçitit dhe borxhit”, tha Rama.
Më tej shefi i qeverisë u ndal për të prekur disa prej sektorëve ku do të investohet. Ai theksoi se arsimi dhe shëndetësia mbeten prioritetete.
“Kur vjen puna të arsimi ky program ka rëndësi themelore pasi do të ndërtohen një numër shkollash të reja për një kohë të shkurtër. Ne synojmë që të ndërtojmë dhe rindërtojmë afro 150 shkolla në të gjithë Shqipërinë, përfshirë edhe 6 shkolla të reja ekslence për arsimin profesional. Infrastruktura shëndetësore ka ndërtimin e një spitali ekselence rajonal në Fier, dhe 10 qëndra të tjera në vend. Dua të nënvizoj faktin se për gjithë këtë proces, dhe këtë përfshirje masive të sipërmarrjes dhe kapitalit privat në mëbshtetje të programit kombëtar për infrastrukturën publike, përsëri qytetarët nuk do të paguajnë asgjë ekstra”, deklaroi Rama/a.m.
