”Karrierist i çmendur” dhe ”shpirt rebel”, por ai është një strateg politik antikonformist që kryeministri i ri britanik, Boris Johnson e zgjodhi si këshilltar të posaçëm.
Dominic Cummings njihet edhe si truri i fushatës pro Brexit.
Me një retorikë të hidhur, Dominic Cummings, 47 vjeç, ka bërë shumë armiq deri në radhët e konservatorëve.
Në një telefilm që u transmetua në muajin janar në Channel 4, me titull “Brexit: The Uncivil War”, ai u interpretua nga aktori Benedict Cumberbatch dhe perceptohet si një person që ngjall polemika dhe debate duke përdorur taktika të marra nga ”Arti i luftës” i Sun Tzu.
Ish-kryeministri konservator, David Cameron e portretizon si një ”karrierist të çmendur”.
Ai është krahasuar gjithashtu me Steve Bannon, ish-këshilltarin kontrovers të presidentit amerikan, Donald Trump.
Njësoj si ai, Cummings është i pasionuar pas taktikave ushtarake.
Promovimi i tij në strukturat e ekzekutivit është perceptuar si një vendim me rrezik, me një gjuhë satirike, që nuk pranon kompromise, por a do të mundet ai të gjejë vendin e tij në qeverinë britanike?
