E keni pyetur ndonjëherë veten se cili klub futbolli ka akademinë më të mirë në botë? Me siguri që po, por mos e vrisni më trurin, sepse përgjigjen e keni gati falë Observatorit të Futbollit CIES në bashkëpunim me FIFA-n.
Ato së fundmi kanë publikuar listën e 25 klubeve të cilat prodhojnë më shumë lojtarë të rinj duke furnizuar skuadrat e pesë ligave kryesore evropiane, La Liga, Premier League, Bundesliga, Serie A dhe Ligue 1.
Sipas formulës, klubi i lojtarit është skuadra që e ka punësuar atë për të paktën tre sezone nga mosha 15 deri në moshën 21. Në këtë listë përfshihen lojtarët (pjesë e ekipeve profesioniste) të cilët kanë luajtur së paku një ndeshje kampionati këtë sezon ose kanë luajtur së paku nga një ndeshje në të dyja sezonet e kaluara. Çdo klub vlerësohet me pikë bazuar te numri i lojtarëve që ka në përbërje ose në skuadrat e tjera në ligat e lartpërmendura.
Bayern Munich ka pesë vjet që nuk po prodhon lojtarë si Philip Lahm
Renditja me 25 klube është jo pak surprizuese, madje është një “klasike“. Në krye është Real Madrid, një klub i menduar shpesh si një “hegjemon” i futbollit spanjoll, duke transferuar me çdo çmim yje nga gjithë bota. Fuqia blerëse e “Los Blancos” është një gjë, por edhe puna e tyre me akademinë dhe investimi te lojtarët me të ardhme është diçka tjetër.
Përveç lojtarëve aktualisht pjesë të ekipit madrilen, si Sergio Ramos, Daniel Carvajal, Lucas Vazquez dhe Alvaro Morata, në Evropë aktualisht aktivizohen edhe “Galaktikë” të tjerë, si Jose Callejon dhe Jesé Rodríguez. Gjithsej, Real Madrid ka 41 lojtarë nga akademia, aktualisht duke luajtur në Spanjë, Angli, Gjermani, Itali ose Francë.
Në vend të dytë renditet Barcelona (37 lojtarë), ndjekur nga Manchester United (34 lojtarë) dhe Lyon (29 lojtarë). Bie në sy fakti që Bayern München ka vetëm 18 lojtarë, po aq sa Atletico Madrid.
1. Real Madrid 41 lojtarë
2. Barcelona 37
3. Man. United 34
4. Lyon 29 5.
Athl. Bilbao 25
6. R. Sociedad 25
7. Roma 24
8. Arsenal 22
9. Monaco 22
10. Rennes 22
/a.m.
