Dy kryetarë gjykatash kanë ngecur në rrjetën e vettingut.
Është shkarkuar nga detyra kreu i Gjykatës së Korçës, Admir Belishta.
Pas shkarkimit të kreut të Gjykatës së Korçës, vetting-un nuk e kaloi as kreu i Gjykatës së Beratit.
Paraditen e së martës, Agron Valva dëgjoi vendimin e KPK-së për shkarkimin e tij nga detyra. Edhe kreu i gjykatës Berat nga hetimi i KPK rezulton se ka probleme me pasurinë.
Ndersa as kryegjyqtari i Korces, Belishta nuk kaloi dot vetting-un dhe u shkarkua paraditen e së premtes.
Karriera e gjyqtarit u vu në dyshim, teksa hetimi administrativ i thelluar evidentoi një sërë problemesh me disa pasuri të patundshme të kryegjyqtarit të Korçës, si edhe një raport i DSIK-së që nuk shkon në favor të tij, pasi konkludon për kontakte të papërshtatshme. Që në nisje të seancës, relatorja vuri në dukje raportin negativ nga ILDKPKI dhe DSIK. Sipas KPK-së, Belishta ka bërë deklarim të pasaktë të pasurisë, ka kryer fshehje të saj dhe nuk ka burime të ligjshme financiare për të justifikuar pasuritë.
ILDKPKI i raportoi KPK-së se Belishta kishte “bërë deklarim të pasaktë, s’kishte burime të ligjshme financiare, ka kryer fshehje të pasurisë dhe ka bërë deklarim të rremë”.
a.çupaj
