Arka të vjetra, gurë, hekura apo objekte të ndryshme janë një pamje e zakonshme në shumë rrugë të Tiranës në korsitë anësore të caktuara për parkime. Edhe pse shpesh herë autoritetet ndërhyjnë për pastrimin e këtyre sendeve, të cilat vendosen nga persona të paautorizuar që sillen si pronarë të tokës denomeni nuk ndalet.
Sapo një drejtues mjeti afrohet për të parkuar mjetin, menjëherë afrohet dikush që mashtron dhe thotë se parkimi është me pagesë. Në fakt, persona të tillë mashtrojnë dhe nuk bëjnë gjë veçse grabisin qytetarët.
Shpesh herë policia ka ndërhyrë dhe ka proceduar penalisht këta persona. Por, pavarësisht procedimeve, këta kontigjerntë rikthehen në “rrugën e tyre” dhe vijojnë aktivitetin, derisa të vijë shoqërimi i radhës.
Një ditë më parë policia ndaloi në Tiranë një 20-vjeçar të identifikuar me inicialet Sh.K. Ky person kishte “privatizuar” një pjesë të rrugës “Ibrahim Rugova” dhe çdo personi që parkonte mjetin I merrte një tarifëtë caktuar nëpërmjet mashtrimit.
Në fakt për hapësirën në fjalë nuk kishte asnjë taksë nga autoritetet, por ky person i vilte paratë në xhepin e vet. Tashmëprokuroria po kryen veprimet e mëtejshme ndaj 20-vjeçarit./Javanews/a.m.
